VIGAN CITY- Naaktuan dagiti otoridad iti panagtakaw dagiti tallo a lalaki iti maysa a pawnshop idiay Brgy. Bannuar, San Juan ,Ilocos Sur.
Segun kenni PSInsp. Benjamin Raquedan , hepe ti San Juan Municipal Police Station, nakaawat da t impormasyon manipud iti maysa a concerned citizen nga adda iti mangmanggeg da a naidumduma nga uni manipud iti Tambunting Pawnshop.
Idi napan nagresponde dagiti otoridad ket naaktuan da dagiti suspek a daddadaelen da ti pader ti Pawnshop idinto a ti maysa kadagiti kadwa da ket nakastreken iti uneg.
Nabigbig dagiti suspek a da Fred Toldican, 31, a taga Irisan , Baguio City,Nickson Binaliw, 27 a taga Mines View, Baguio City ken Ronald Allan Rivera a taga Irisan Dumpsite Baguio City idinto nga uppat kadagiti kadwa da iti nakalibas.
Naala iti crime scene dagiti gamit nga inaramat dagiti suspek kas iti ragadi ,hydraulic jack ken dadduma pay pakairamanan ti puraw a Toyota Hi Ace van a nakarehistro iti maysa a Ruben Ronquillo ken Nena Ronquillo a taga Poguis, La Tirinidad, Benguet.
Naammuan nga awan ti security guard ken CCTV camera iti uneg ti establishimento.
