Pinasingkedan ti Philippine ken US officials, a tallo gasut nga Afghanistan ti simmangpet ditoy Pilipinas babaen ti temporary stays bayat ti pannakaproseso para iti US resettlement-da.
Nagpirma ti Pilipinas ken Amerika iti katulagan idi napan a Hulio a mangipalubos iti posible a ginasut nga Afghan nga agtalinaed idiay Manila kabayatan a maproseso ti US Special Immigrant visa-da.
Daytoy ket iti laksid ti domestic opposition iti Catholic-majority country gapu iti seguridad ken dadduma pay a pakaseknan.
Babaen ti katulagan, ti US Government iti makaammo amin a gastos iti panagtalinaed dagiti Afghan idiay Manila, pakairamanan ti taraon, balay, medical care, seguridad ken transportasion.
Agtalinaed dagiti Afghan iti pasilidad nga iop-operate ti US State Department’s Coordinator for Afghan Relocation Efforts.
Nag-medical screening amin dagiti aplikante idiay Afghanistan.
Rinibu nga Afghan ti nagtalaw iti pagilianda idi August 2021 gapu iti riribuk bayat a nagikkat dagiti puersa ti Amerika ken dagiti kaalyado tapno agpatingga ti kapaut ti gubat ti Washington, a nairugi kalpasan dagiti panangraut idi September 11, 2001.
Adu kadagiti nagtrabaho iti naikkat a gobierno a supsuportaran ti western ti simmangpet idiay United States nga agsapsapul iti resettlement babaen ti special immigrant visa program, ngem rinibu met ti nabati wenno kadagiti maikatlo a pagilian, nga agur-uray iti pannakaproseso ti visa-da.
