--Ads--
VIGAN CITY – Tallo gasut a kilo ti frozen imported chicken quarter legs ken nadumaduma a manok ti nasalamaan dagiti nakabantay iti Provincial Quarantine ken Narvacan Police Station idiay Sitio Kakaldingan/ Agcabatu, Brgy. Ambulogan.
Dagiti kontrabando ket nailugan iti pampasahero a dyip a minaneho ni Angelito Alfonso, agtawen iti duapulo ket siam ken ti pahinante a ni Pedrito Alfonso, agtawen iti tallopulo ket siam nga agpada a taga-Irisan, Baguio City.
Awan ti naipakita dagiti suspek a shipping permit dagiti kinargada a produkto nga itan ket nakakustodian iti Provincial Quarantine Office iti siudad ti Vigan.
Dagiti suspek ket nakakustodian iti Narvacan Police Station tapno dumalan iti husto a proseso.
-- ADVERTISEMENT --
