VIGAN CITY – Tallo a tattao iti nakemmeg iti naisayangkat nga anti-illegal gambling operation idiay Sitio Alog, Brgy. Dan-ar, Santiago.
Nabigbig dagiti nakemmeg a da Brent Rigor Rodulfo, agtawen ti tallopulo ket innem, baro, mannalon; Adelina Gaoat Estrada, agtawen ti innem a pulo, housewife, 4P’s member; ken Richard Etrata, agtawen ti uppat a pulo ket siam, naasawaan, mannalon nga agpapada nga agnaed iti Brgy. Dan-ar, Santiago.
Naaktuan dagiti pannakabagi ti linteg ti panagay-ayam dagiti suspek iti tong-its iti kubo iti asideg ti pagtaengan ni Etrata a gappuanan ti pannakakemmegda
. Naala kadakuada ti maysa a set ti baraha ken pusta nga aggatad ti innem a gasut tallopulo ket tallo a pisos. Naipan dagiti suspek iti Santiago Municipal Police Station pakairamanan ti naala kadakuada tapno dumalan ti husto a proseso.
