Tallo ti natay iti napasamak a panagkakarambola dagiti siam a lugan iti national highway ti Barangay San Nicolas, Candon City, Ilocos Sur.
Ti Honda CRV ket minaneho ni Louie Ganon Garnace, agtawen iti limapulo ket pito, inluganna ni Dandilo Pascua Galigaro, agpada a taga-San Isidro, Candon City.
Ti Red Rusi 125 ket minaneho ti saan pay nabigbig a drayber.
Ti Honda Black Airblade a motorsiklo ket minaneho ni Rolando Marillies Madarang, agtawen iti limapulo ketinnem, taga-Barangay Bagani Ubbog.
Ti met Honda TMX 155 a traysikel ket minaneho ni Roger Manzano Agonoy, taga-Barangay San Nicolas.
Ti drayber ti Skygo motorcycle ket minaneho ni Claude Apigo Joshua, agtawen iti duapulo ket siam, taga-Barangay San Nicolas.
Kabayatanna, ti maysa pay a Honda TMX tricycle ket minaneho ni Expedito Olivo Escalano Angal, agtawen iti limapulo ket lima, taga-Barangay Talogtog, inluganna ni Joshua Luis Peralta, agtawen iti duapulo ket uppat, taga-Barangay Darapidap.
Ti drayber ti Motorstar motorcycle ket ni Ronald Espanto, agtawen iti tallopulo ket dua, taga-Barangay San Nicolas idinto a ti drayber ti Toyota Innova ket ni Eirene Mary Valdez Jemima, agtawen iti duapulo ket maysa, taga-Barangay Arangin, Sta. Lucia.
Malaksid dayta, karaman pay ti maysa a Mitsubishi Strada a minaneho ni Jacklord Peralta Framil, agtawen iti uppat a pulo ket uppat, taga-Barangay Villa Laurencia, Sta. Cruz.
Ti met pedestrian ket ni Clavel Ronas Narbasa, agtawen iti innem a pulo ket walo, taga-Barangay San Nicolas.
Maibasar iti insiyal nga imbestigasyon, agpapa-abagatan dagiti walo a lugan idinto a ti Mitsubishi Strada ket nakaparking iti sangwanan ti Candon City Hospital.
Idi magtengna ti nakapasamakan ti insidente, natukbob ti CRV ti Rusi ken ti Honda Black Airblade a motorsiklo isu a nadungparna ti traysikel a minaneho ni Agonoy.
Saan a nagsardeng ti CRV ket nagtultuloy ti panagpaabagatanna isu a nadungparna pay dagiti dua a motorsiklo, traysikel, ken dagiti dua a four wheels a Toyota Inova ken Mitsubishi Strada.
Amin dagiti nadunor pakairamanan ti drayber ti CRV ket naitaray iti Candon City Hospital ken Ilocos Sur Medical Center ngem naideklarar a dead on arrival ti pasahero ti CRV kasta payen ti dagiti drayber ti Rusi ken Skygo a motorsiklo idinto a nadunor ti pedestrian.
Natakuatan a ti drayber ti CRV ket nakainom idi napasamak ti aksidente.
