VIGAN CITY – Tallo iti nadundunor gapu ti panangdungpar ti nakakuliglig iti nakasabatna a nagkalubbon iti motorsiklo Brgy. Catayagan, Sta. Lucia.
Segun ti Sta. Lucia Municipal Police Station, dagiti karaman iti insidente ket ti nagmaneho iti color blue SYM Bonus 110 MC a ni Michel Rivera Habos, agtawen iti duapulo ket uppat, naasawaan, service crew nga agnaed idiay Brgy. San Juan, Sta Lucia; backriderna a ni Jesica Angala Halos, agtawen iti duapulo ket innem, agtawen iti duapulo ket innem, balasang, service crew nga agnaed idiayBrgy. Ronda, Sta. Lucia; ken ti nagmaneho iti kuliglig a ni Jeffrey Manzano Sunio, agtawen iti duapulo, baro, mannalon nga agnaed idiay Brgy. Conconig West, Sta. Lucia.
Maibasar iti nairuar a pakaammo, agturong ti motorsiklo iti bagatan a paset iti national highway idi nadanonna iti nasao a lugar ket immagaw iti linya ti makasabatna a kuliglig a gappuanan iti panagdinnungparda.
Nadunor iti nagmaneho iti motorsiklo ken na-fracture iti akin-kannigid a luppo ti kinalubbonna isu nga agpada a naipan iyi Candon City, Hospital para iti pannakatamingda idinto a ti nagmaneho iti kuliglig ket nagasgasan iti nadumaduma a paset ti bagina a naipan iti Sta. Lucia District Hospital ket naamoan a naka-inom iti arak idi napasamak iti insidente.
Nupay kasta, saan pay nga ammo nu mano iti gatad iti nadadael a paset iti motorsiklo ken kuliglig kalpasan iti pasamak.
