Tallo a tattao a nagaramat iti bukatot iti panagkalapda, nakemmeg iti ili ti Caoayan

Vigan City – Tallo a tattao iti nakemmeg gapu iti panagaramatda iti bukatot a pagkalapda iti nagbaetan iti karayan iti Fuerte ken Villamar, Caoayan.

Iti pannaki-uman iti Bomno Radyo Vigan kenni PCapt Henry Garcia a hepe iti Caoayan Municipal Police Station, nakunana nga adda iti nangipakammo kadakuada iti panagaramat iti bukatot dagiti tallo isu a nagrespondeda ket natakuatan iti iligal nga aramidda.

Gapu iti dayta ket addadan iti kustodiya iti pannakabagi iti linteg ket sanguenda iti kaso a maipila kontra kadkuada.

Inyunay-unay ni Garcia a rumbeng a saan nga agaramid iti maikaniwas ta addanto latta iti tiempo a pannakaibutaktak iti aramidda.