VIGAN CITY – Nagsagaba iti dunor iti naduma-duma a paset iti bagi ni Robert Balaque Valencia, agtawen ti lima pulo, naasawaan, mannalon nga agnaed idiay Barangay Parioc 2nd, Candon City gapu iti pannakaaksidentena.
Nakalugan iti motorsiklona ni Valencia nga agpapadaya a direksyon idi adda nagballasiw nga aso manipod iti bagatan a direksyon a nadungpar na ket napukaw na iti kontrol iti manibela iti motorsiklo na a poon iti nakadundunuran na.
Agsipud iti dayta, naipaagas ti biktima idiay Candon City Hospital.
Kabayatanna, agpada a naipan idiay Pira Clinic Hospital, Cabugao da Roland Palpallatoc, agtawen lima pulo ket walo, naasawaan, STL Collector, naasawaan nga agnaed idiay Barangay Sunggiam kenni Charles Vita, mannalon, agtawen innem a pulo, agnaed idiay Barangay Resurrecion, San Juan a nagmaneho iti nangisit a motorsiklo ta nairaman da iti aksidente.
Agpapaabagatan a direkdyon ni Vita idi nakadanon idiay Barangay Bannuar, San Juan idi bimmallasiw ni Palpallatoc isu a nadungparna ket nadunor da a dua.
