--Ads--
VIGAN CITY – Panaglabsing iti Article 151 iti Revised Penal Code ti sangwen dagiti tallo a surf instructor a natiliwan nga ag-susurfing iti baet ti pannakaidalan iti Enhanced Community Quarantine iti ili a Caoayan.
Nabigbig dagiti natiliw a da Jeric Cinco, agtawen iti duapulo ket walo, Joswell Gonatice, agtawen iti sangapulo ket siam ken ni Jeremy Cuenta, agtawen iti duapulo ket pito nga agpapada a taga-Brgy. Fuerte.
Namin-anon a daras a binilin ida dagiti nagresponde a pulis nga isardengdan ti agay-ayam iti surfing board ngem intuloyda latta agingga idi natiliwanda.
Nakakustodian iti Caoayan Police Station dagiti natiliwan tapno dumalanda iti husto a proseso.
-- ADVERTISEMENT --
