VIGAN CITY – Malidayan ni Mark Mcqueen Arellano, siklista a tubo iti Sta. Cruz, Sto. Domingo ta naaksidenteda kagiddan iti pannagibagida iti pagilian iti Tour De DMZ idiay South Korea.
Iti pannaki-uman ti Bombo Radyo Vigan kan ni Arellano, maladingitan ta saandan a makaay-ayam a tallo manipod iti innem a mangibagi iti pagilian gapu iti pannnakadisgrasyada bayat iti race.
Inlawlawagna a naaksidenteda ta dagiti adda ti sangwananda a siklista ket immuna a naaksidente ket gapu ti kinapaspas iti patarayda ket nairamanda.
Segun kenkuana, dunor iti takyag, tumeng ken bakrangna iti sinagabana isu a marigatan a mangigaraw iti sakana idinto a ti bisikleta nga inaramatna ket nadadael gapu iti impact iti aksidente.
Nupay kasta, ikagumaanda a tulongan latta dagiti tallo a kakaduada tapno maipangabakda latta iti race nga agpaut agingga September 5 iti agdama a tawen.
Kabayatanna, manamnama met nga inton September 6 iti agdama a tawen iti panagwid iti team Philippines.
VIDEO AUDIO OF MARK MCQUEEN ARELLANO
