VIGAN CITY – Agpapada a senior citizen iti nakemmeg gapu iti panaglabsingda iti Presidential Decree 1602 idiay Brgy. Manueva, Santa, Ilocos Sur.
Dagiti suspek ket da Juan Ignacio Manzano, agtawen iti pitopulo ket maysa, balo; Merlinda Mayo Cardenas, agtawen iti innem a pulo nga agpada nga agnaed iti nasao a barangay; ken Juanito Ballalo Alves, agtawen iti innem a pulo ket tallo, naasawaan nga agnaed idiay Brgy. Mabilbila Sur iti nasao nga ili.
Nakaawat iti Santa Municipal Police Station ti report inaig iti panagsusugal dagiti suspek isu nga insigidada a nagturong iti nasao a lugar ket naaktuanda dagiti suspek iti panagay-ayamda iti tong-its.
Naala kadakuada iti maysa a set iti baraha, pusta nga aggatad iti duagasut duapulo ket lima a pisos, tallo a piraso iti monoblock a tugaw ken maysa a lamisaan.
Dagiti nasao a suspek pakairamananen dagiti naala kadakuada ket addan iti kustodiya dagiti pannakabagi ti linteg tapno dumalan ti husto a proseso.
