Tallo a pagtaengan ken maysa nga establisimiento iti ili ti Tagudin, nauram

VIGAN CITY – Makikamkammayet ti Tagudin Police Station iti Bureau of Fire Protection tapno duktalen no ania ti rason ti uram ken mapatta-patta a gatad dagiti nauram a sanikua idiay Barangay Rizal, Tagudin.

Nangrugi ti uram iti pagtaengan daydi Pablo Lardizabal ken ni Anita Lardizabal nga agpada a taga-Barangay Rizal, Tagudin gapu ti napigsa nga apuy ken angin.

Nauram a permi ti pagtaengan ken uray ti pagtaengan nga adda iti akin-daya a kukua da Anita Lardizabal pakairamanan ti Generika establishment ken uray ti kaabayna daytoy a pagtaengan.

Nadepdep ti apuy iti ala una bainte iti malem ken nupay kasta, awan ti natay iti nasao nga uram.