VIGAN CITY – Panaglabsing iti Presidential Decree 1602 ti sangwen dagiti tallo a nagsusugal idiay Sitio Mabini, Barangay Refaro, San Juan.
Nabigbig dagiti suspek a da Angelita Yagui Pizarro, agtawen iti innem a pulo ket tallo, STL collector a taga-Barangay Pandayan; Reynalda Viloria Sagun, agtawen iti limapulo ket siam a taga-Barangay Sungjam ken ni Blanca Tugas Sanchez, agtawen iti uppat a pulo ket walo a taga-Barangay Cabanglutan.
Nangiyawat iti Anti-Illegal Gambling operation dagiti pannakabagi ti linteg ti San Juan Municipal Police Station a nakakemmegan dagiti tallo a suspek a nagaayam iti tong-its iti natayan.
Naala kadakuada ti maysa a set ti baraha ken pusta a PHP1,190.
Naipanen iti San Juan Police Station dagiti suspek pakairamanan dagiti ebidensya a naala kadakuada para ti proper disposition ken documentation.