VIGAN CITY – Tallo iti nakemmeg gapu iti panagtakawda iti maysa a supermart idiay Brgy. Rizal, Tagudin, Ilocos Sur.
Nabigbig dagiti suspek a sa John Raven Ariel Lerios Jacobe, agtawen ti duapulo ket siam, baro, awanan trabaho nga agnaed idiay Laois Labrador, Pangasinan; Felicita Ruto Ramos, agtawen ti limapulo ket dua, awanan trabaho; ken Ryan Cendo dela Cruz, agtawen ti tallopulo ket maysa, baro, awanan trabaho nga agpada nga agnaed idiay Mangcup, Calasiao, Pangasinan idinto a ti biktima ket ni Perly Grace Ballesteros Monis, agtawen ti uppat a pulo, naasawaan, supervisor iti Ceny’s Supermart nga agnaed idiay Maria Cristina, Bangar, La Union.
Na-corner dagiti suspek babaen dagiti staff iti supermart kalpasan ti panagtakawda iti walo a piraso iti Hamon de Bola nga aggatad iti P2,800, tallopulo ket dua a sachet iti palaman nga aggatad iti siam a pulo ket innem a pisos ken maysa a pakete iti tissue nga aggatad iti P56.50.
Maibasar iti insiyal nga imbestigasyon, simrek dagiti suspek iti establishyimento ket innalada Ramos ken dela Cruz dagiti nasao nga item ket impanda iti uneg iti bag ket pinanawanda ngem napan innala ni Jacobe iti nasao a bag ken pimmanaw iti establisyimento a saan a nagbayad.
Nupay kasta natiliw dagiti aglibas a suspek karamananen iti innalada babaen ti panagtitinnulong dagiti staff.
Naamuan nga idi pay December 9 iti agdama a tawen ket napan met laeng ti nasao nga establisyimento a nagtakawda manen.
Naipan iti Ilocos Sur District Hospital, Brgy. Bio, Tagudin dagiti suspek para iti medical examination ngem naiyakar a naipan idiay Tagudin Police Station para iti imbestigasyon ken proper disposition.
