Tallo a nagsusugal, nakemmeg iti ili ti Cabugao

VIGAN CITY – Tallo ti nakemmeg a nagsusugal idiay Barangay Sabang, Cabugao babaen iti naiwayat nga Anti-Illegal Gambling operation.

Nabigbig dagiti suspek a da John Christopher Paiste Palo, agtawen iti tallopulo, agnaed iti Barangay Baclig, Cabugao; Marino Sarabia Ballete, agtawen iti limapulo ket siam, mangngalap; ken ni Gilbert Ballete Valoroso, agtawen iti limapulo ket tallo, mangngalap nga agpapada nga agnaed iti Barangay Sabang, Cabugao.

Naaktuan dagiti suspek nga agaayam iti Lucky 9 ken naala kadakuada iti pusta a PHP21,225.

Sangwen dagiti suspek ti kaso a panaglabsing iti Presidential Decree 1602 wenno Anti-Illegal Gambling Act.