--Ads--
VIGAN CITY – Tallo ti nakemmeg a nagsusugal iti Barangay Purok a Bassit, Vigan City babaen iti naiwayat nga Anti-Illegal Gambling operation.
Nabigbig dagiti suspek a da Nora Natividad Ragudo, agtawen iti innem a pulo ket lima; Rosana Salve Rana Alcantara, agtawen iti limapulo ket lima; ken ni Cristina Cabarjan Pinzon, agtawen iti limapulo, agpapada nga agnaed iti nasao a barangay.
Naaktuan dagiti suspek nga agaayam iti tong its ket naala kadakuada ti maysa a set ti baraha, lamisaan, tallo a tugaw, ken pusta a PHP250.
Dagiti suspek ket posible a sumango iti kaso a panaglabsing iti Presidential Decree 1602 wenno ti Anti-Illegal Gambling Act.
-- ADVERTISEMENT --