Tallo a nagsusugal iti ili ti Tagudin, nakemmeg

VIGAN CITY – Panaglabsing iti Presidential Decree 1602 wenno Anti-Illegal Gambling Act ti sangwen dagiti tallo a nakemmeg nga agsusugal idiay Barangay Bucao East, Tagudin.

Nabigbig dagiti suspek a da Melchor Monis Labador, agtawen iti limapulo ket tallo, awanan trabaho; Roderick Andaya Laranang, agtawen iti uppat a pulo ket siam; ken ni Marion Limon Anday, agtawen iti innem a pulo ket siam, mannalon, agpapada nga agnaed iti nasao a lugar.

Naaktuan dagiti suspek nga agaayam iti pusoy/biyaya ket nakumpiskar kadakuada ti baraha ken pusta a PHP926.00.

Iti agdama, addan iti kustodia ti Tagudin Police Station dagiti suspek tapno dumalanda iti husto a proseso.