--Ads--
VIGAN CITY – Tallo a nagsusugal ti nakemmeg idiay Brgy. Libtong, Tagudin ket sangwenda ti kaso a panaglabsing iti Presidential Decree 1602 wenno ti Anti-Illegal Gambling Act.
Nabigbig dagiti suspek a da Jullious Badua, agtawen iti tallopulo, mannalon a taga-Brgy. Becques; James Cardenas, agtawen iti duapulo ket pito a taga-Brgy. Dardarat; Hubert Lorena, agtawen iti tallopulo ket lima; ken ni Cristina Lazo, agtawen iti tallopulo ket dua a taga-Brgy. Libtong.
Naaktuan dagiti suspek nga agaayam iti pusoy ket naala kadakuada ti maysa a set ti baraha ken pusta a PHP1,690.
Dagiti suspek pakairamanan dagiti naala kadakuada nga ebidensya ket naipanen iti Tagudin Police Station tapno maidalan iti husto a proseso.
-- ADVERTISEMENT --
