VIGAN CITY – Kaso a panaglabsing ti Presidential Decree 1602 ti sangwen dagiti tallo a nagsusugal a nakemmeg idiay Brgy. Sumagui, Sta. Maria iti naiwayat nga anti-illegal gambling operation.
Nabigbig dagiti suspek a da Sheryl Davis, agtawen ti tallopulo ket uppat; Lilia Cabasan, agtawen ti limapulo ket uppat; ken ni Mario Jasmin Gonzales nga agpapada nga agnaed iti nasao a lugar ken naaktuan nga agaayam iti tong-its iti abay ti bahay kubo a kukua ni Davis.
Naala kadakuada ti maysa a set ti baraha ken pusta nga aggatad ti tallogasut uppat a pulo a pisos ken addadan iti kustodiya dagiti pannakabagi ti linteg tapno dumalanda iti usto a proseso.
Kabayatanna, nakapagpyansan iti gatad a sangapulo ket lima a ribo a pisos dagiti nakemmeg a nagsusugal ken nakairamanan ti maysa a kapitan idiay Brgy. Maynganay iti nasao met la nga ili.
