--Ads--
VIGAN CITY – Sumango iti kaso a panaglabsing iti Presidential Decree 1602 wenno Anti-Illegal Gambling Act dagiti tallo a natiliwan a nagsusugal idiay Brgy Mantanas, Sta. Cruz.
Nabigbig dagiti suspek a da Elizabeth Gabatino Javar, agtawen iti innem a pulo ket tallo; Jovelyn Javillonar Angala, agtawen iti tallopulo ket walo; Cristina Marquez Anillo, agtawen iti tallopulo ket walo nga agpapada a residente iti nasao a lugar.
Naaktuan dagiti suspek nga agaayam iti tong-its babaen iti naiwayat nga operasyon ket naala kadakuada ti maysa a set ti Condor playing cards, pusta a PHP425.
Nakakustodian dagiti suspek iti Sta Cruz Police Station tapno dumalanda iti husto a proseso.
-- ADVERTISEMENT --
