VIGAN CITY – Maysa a SUV iti naaksidente iti Diversion Road, Brgy. Tablac, Candon City, Ilocos Sur.
Dagiti karaman iti aksidente ket ti nagmaneho ti White Mitsubishi ASX GSR a minaneho ni Corazon Jaramillo Castillo, agtawen ti innem a pulo ket tallo, naasawaan, retired Government Employee nga aganed iti 18 A Mabini St. Laoag City, Ilocos Norte ken dagiti pasaherona a da Alyssa Jhen Andrada Nugao, agtawen ti duapulo ket dua, balasang, awanan ti trabaho nga agnaed idiay Brgy. Palongpong, Batac City, Ilocos Norte ken Angelito Padaga Jaramillio, agtawen ti limapulo, self-employed nga agnaed idiay Brgy. Bayubay, San Vicente.
Maibasar iti inisyal nga imbestigasyon, kinuna ti nakakita a ni PSSg. Ferdinand Barnachea Martinez, PNP Member a na-assign idiay Santa Municipal Police Station a bayat ti panagturong ti bagatan a direksyon ti lugan ket napan iti laud a paset iti kalsada agingga a naidungpar iti steel barrier iti kalsada.
Gapu ti pasamak, naisina iti akinkannawan a pilid ti SUV ken nadadael iti akin-kannawan ti sango a paset ti lugan idinto a dagiti pasahero ket dua ti nadunor idinto a maysa iti nagsakit ti bagbagina.
Nagresponde dagiti BFP ken PNP personnel isu a naipan iti Candon General Hospital dagiti tallo para iti pannakatamingda.
Nupay kasta, saan pay laeng nga ammo nu mano ti gatad ti nadadael a paset ti lugan.
