VIGAN CITY – Tallo a tattao a napan nagdidigos iti kabaybayan ti Brgy. Paratong, Sta. Catalina, Ilocos Sur uray no naisakup iti Enhanced Community Quarantine ti nasao nga ili ti kinemmeg dagiti pannakabagi ti linteg idi parbangon ti September 28, 2021.
Nabigbig dagiti suspek a ni Princess Agbulos, agtawen iti duapulo ket maysa, Project Staff ti Provincial Capitol a taga-Poblacion Norte Santiago ngem agnaed ita iti Brgy. Balaleng, Bantay; Carl Jarren Belandres, agtawen iti duapulo ket dua a taga-Brgy. Poblacion; ken ni Sara Arcala, agtawen iti duapulo ket tallo, a taga-Brgy. Salindeg, Vigan City.
Agpatpatrolya dagiti Brgy Tanod idiay Brgy. Paratong idin ta nakitada dagiti tallo a tattao a bimmanggkag iti kabaybayan.
Naglabsing pay iti curfew dagiti suspek nga ita ket addan iti Sta. Catalina Police Station tapno dumalan iti husto a proseso.
