--Ads--
VIGAN CITY – Tallo ti nakemmeg a nagsusugal idiay Barangay Nambaran, Sto. Domingo babaen ti naiwayat nga Anti-Illegal Gambling Operation.
Nabigbig dagiti suspek a da Freddie Ramirez Donato, agtawen iti uppat a pulo ket uppat, construction worker, agnaed iti Barangay Nambara; Christian Lourd Raguindin Pilar, agtawen iti duapulo ket uppat, agnaed iti Barangay San Julian Sur, Vigan City; ken ni Michael Ballaso Rigunay, agtawen iti uppat a pulo ket dua, agnaed iti Barangay Lubong, San Vicente.
Naaktuan dagiti suspek nga agaayam iti Dado ken naala kadakuada ti PHP24,088 ken dua a dice.
Sangwen dagiti suspek ti kaso a panaglabsing iti Presidential Decree 1602 wenno Anti-Illegal Gambling Act.
-- ADVERTISEMENT --
