VIGAN CITY – 3,080,000 iti gatad iti marijuana a pinagrut ken inuram dagiti otoridad iti tallo nga aldaw nga operasyonda iti nagbeddengan iti Sugpon, Ilocos Sur ken Kibungan, Benguet.
Iti pannaki-uman ti Bombo Radyo Vigan ken ni PLt. Jerry Arzabal iti Sugpon Municipal Police Station, tallo a site iti napananda manipod February 9-11 a pakabuklan a 2,800sqm iti kalawa iti marijuana plantasyon idiay Brgy. Danac ken Licungan, Sugpon ken Brgy. Tacadang, Kibungan, Benguet ta addaan iti 11,100 a fully grown marijuanba plant ken 3,000 a gramo fruit tops iti dinadaelda.
Segun ken ni Arzabal, awan iti cultivator a nakemmegda idi nagturongda ti nasao a lugar ngem adda iti pagilasinan nga adda iti mapmapan iti plantasyon.
Patta-pattaenna nga idi pay laeng bulan iti Oktubre a naimula dagiti nasao a marijuana.
Kabayatanna, adda pay dua a kamengda iti nadunor gapu iti nasao a papanda iti nasao a lugar
