VIGAN CITY – Tallo a menor de edad iti nagtakaw iti pangpallot a manok idiay Brgy. Purok a bassit, Vigan City.
Nailinged iti nagan dagiti suspect a da Soriano, agtawen sapulo ket tallo agnaed ti Brgy. Nagpanaoan, Santa, Kevin agtawen sangapulo ket pito ken Karding agtawen sangapulo ket lima nga agpada nga agnaed ti Brgy. Ora Centro, Bantay.
Segun ti Vigan City Police Station, aglutluto iti biktima ken akikuakua a ni Jay Jimenez ket impakammu kenkuana ni John Centeno a dagiti manok na ket tinakaw dagiti suspect.
Ginandat dagiti menor de edad nga aglibas ngem nakemmeg dagiti opisyales ti barangay ni Kevin.
Nakalibas ni alyas Karding ken nangisayangkat a dagus dagiti otoridad ti hot pursuit ken nagturong da iti pagtaengan ni Kevin ket naalada dagiti duwa pulo ket lima a pangpallot a manok ken maysa a yamaha aerox nga awan iti plate number na.
