VIGAN CITY – Panaglabsing iti Republic Act 10654 wenno ti Philippine Fisheries Code of 1998 ti sangwen dagiti mangngalap idiay Brgy. Bateria, San Esteban gapu iti iligal a panagkalapda.
Nabigbig dagiti suspek a da Axcel Daproza Aguilar, agtawen ti duapulo; Shery Cruz Daproza, agtawen ti uppat a pulo ket uppat ken ti maysa a menor de edad nga agtawen ti sangapulo ket innem nga agpapada a mangngalap ken agnaed iti Brgy. Lingsat, Sta. Maria.
Nakemmegda babaen iti nagtipon a pwersa ti San Esteban Police Station ken ti Bureau of Fisheries and Aquatic Resources ket naaktuan dagiti suspek nga agar-aramat ti compressor a maiparparit iti panagkalapan.
Segun ken ni P/Capt. Franco Catalan, hepe ti San Esteban Municipal Police Station, talloribo a pisos ti nailatang a pagpyansa dagiti suspek para iti pannakawayawayada ken naipaiman iti Department of Social Welfare and Development ti menor de edad.
Dagiti nakumpiskar nga alikamen ken naipan iti San Esteban Police Station para iti proper disposition.
