VIGAN CITY – Awan ti nadangran iti napasamak a panagtitinnukbob ti tallo a lugan idiay Barangay Marcos District, Santa.
Ti Howo Truck ket minaneho ni Mark Oliver Belleza Guzman, agtawen iti tallopulo, agnaed iti 59 Del Rosario Street, Tuguegarao City.
Ti met Toyota Hilux ket minaneho ni Brandy Triste Seguritan, agtawen iti uppat a pulo ket walo, agnaed iti Barangay Cangrunaan, Batac City, Ilocos Norte.
Kabayatanna, ti Isuzu Wing van ket minaneho ni Conrado Cruz Obena Jr., agtawen iti uppat a pulo ket walo, agnaed iti Barangay Calabalabaan, Munioz, Nueva Ecija.
Agpapa-abagatan dagiti tallo a lugan idin ta ti Howo Truck ket nakasardeng para iti COMELEC Checkpoint ngem saan met a nakaprenon dagiti dua a lugan nga adda iti likudanna gapuanan ti panagtitinnukbobda.
Gapu dayta, nakaro ti pannakadadael ti paset ti Toyota Hilux ken ti Isuzu wing van idinto a ti Howo Truck ket adda met bassit dadael ti likudan a pasetna.
