VIGAN CITY – Nagkakarambola dagiti tallo a lugan idiay boundary ti Barangay San Ramon ken San Clemente, Magsingal idi alas onse singkuwenta iti bigat idi kalman, September 1 ket insigida a naitaray idiay Ilocos Sur District Hospital- Magsingal dagiti nadunor iti aksidente para iti pannakataming da.
Dagiti nagkakarambola ket black Honda TMX tricycle a minaneho ni Ferdinand Urban agtawen ti uppat a pulo, naasawaan, kadwa na dagiti pasahero na a da Anita Viloria agtawen ti innem a pulo ket pito a taga Brgy San Vicente; Angelica Julie Viloria agtawen ti innem, grade 1 ken ni Angelo Jocopo Viloria nga agtawen ti syam, Grade 3 nga agpapada a taga Brgy San Basilio; maysa a gray Toyota Hiace a minaneho ni Rex Allen Torres agtawen ti tallo pulo ket uppat, baro a taga Brgy Ilang ilang, Guiguinto, Bulacan.
Malaksid kadagiti nasao a lugan, nairaman pay ti nakaparada a Loncin 150 tricycle a minaneho ni Marino Balcobero agtawen ti pito pulo ket dua , naasawaan a taga Brgy Guimod, San Juan.
Agpapa abagatan a direksyon ti Honda TMX Tricycle ket idi agsikko nga agpakannigid, tinukbob iti sumar-saruno kenkuana a Toyota Hiace a rason ti nakadungparan na iti Loncin 150 tricycle a nakaparada iti igid iti kalsada.
