VIGAN CITY – Tallo a lugan ti nagdidinnungpar idiay Brgy San Basilio, Magsingal.
Dagiti lugan ket pakairamanan ti Blue Ford Lynx a minaneho ni Raymund Sumagit, agtawen iti uppat a pulo ket maysa, salesman a taga-Brgy Cuantacla, Cabugao; Black Toyota Fortuner a minaneho ni Jovito Valido, agtawen iti uppat a pulo ket innem a taga-Brgy V, Vigan City; ken ti Toyota Corola a minaneho ni Marquez Coloma, agtawen iti uppat a pulo ket pito a taga-Brgy 50 Buttong, Laoag City, Ilocos Norte.
Agpapa-abagatan dagiti lugan idin ta ti Ford Lynx ket naidungpar iti likudan a paset ti Black Toyota Fortuner isu a naidungpar met iti likudan ti Toyota Corola.
Gapu ti dayta, nadunor ti drayber ti Ford Lynx ken Fortuner idinto a saan met a nadangran dagiti pasahero ti Fortuner ken Corola.
