Tallo a lugan ti karaman iti karambola iti national highway idiay Barangay Lapting, San Juan, Ilocos Sur.
Ti Hino truck ket minaneho ti lalaki nga agtawen iti uppat a pulo ket walo, taga-Sioco Street, San Manuel, Tarlac.
Ti blue Wigo ket minaneho ti lalaki nga agtawen iti uppat a pulo ket maysa, taga-Laoag City.
Ti met Boom truck ket minaneho ti lalaki nga agtawen iti limapulo, taga-Barangay Santor Tanauan, Batangas.
Maibasar iti imbestigasyon, bigla a nagsardeng ti Hino truck tapno lisyan ti maysa a lugan iti sangwananna, isu a naidungpar ditoy ti maysa a Wigo a naidungpar met laeng iti maysa a Hino boom truck.
Dagus a nagresponde dagiti kameng ti San Juan Municipal Police Station ket naipaagas iti ospital dagiti drayber ken dagiti inluganda.
Awan met ti nadangran iti nasao nga aksidente.
