Dua a motorsiklo ken maysa a tricycle ti karaman iti aksidente a napasamak idiay Barangay San Antonio, iti ili ti Narvacan.
Ti Yamaha Aerox ket minaneho ti maysa a lalaki nga agtawen iti innem a pulo ket walo a taga Barangay Aquib, Narvacan Ilocos Sur.
Ti met Driver ti Yamaha Nmax motorsiklo ket maysa nga agtawen iti duapulo ket tallo, residente ti Barangay Bulanos, Narvacan Ilocos sur.
Minaneho met ti tricycle iti maysa nga agtawen iti uppat a pulo ket siyam a residente iti Barangay San Antonio, Narvacan Ilocos Sur.
Basar iti imbestigasyon agpapa-amianan ti Aerox, idinto a ti Nmax ket agpapa-abagatan a direksion ket idi nangteng da ti nakapasamakan ti insidente, nagpainnayad ti Aerox tapno agsikko iti laud a paset ti kalsada, ngem saan a nadlaw dagiti dua a drayber ti tumunggal maysa isu a nagdinnungparda.
Gapu dayta, agpada a naawanan ti kontrol dagiti motorsiklo a rason pannaka-aksidente da, nu sadino ket nadungpar ti Aerox ti nakaparada a tricycle.
Agpada a nadangran dagiti driver ti motorsiklo ket naipan da iti balay pagagasan para iti naan anay a pannaka taming da.
