Tallo ti nadunor iti napasamak nga aksidente iti national highway ti Barangay Dayanki, Burgos, Ilocos Sur.
Ti Flash 150 Euro motorcycle ket minaneho ti agtawen iti duapulo, kinalubbonna ti agtawen met laeng iti duapulo nga agpada a taga-Paduros.
Ti drayber met iti Honda XRM ket agtawen iti tallopulo ket uppat, taga-Barangay Bangbangar.
Kabayatanna, ti kurong-kurong ket minaneho ti agtawen iti tallopulo ket lima, a taga-Barangay Manaboc.
Agpapa-abagatan dagiti amin a lugan idin ta sumrek koma iti Bangbangar road ti kurong-kurong ket imbes nga agturong iti kannigid, ket nagpakannawan.
Gapu dayta, nadungpar ti sumarsaruno kenkuana a Euro ti akinkannawan a pilidna, ken uray ti XRM ket nadungparna met ti igid a paset ti kurong-kurong.
Nadunor dagiti tallo a naglugan iti motorsiklo, idinto a saan a naan-ano ti drayber ti kurong-kurong.
