VIGAN CITY – Tallo a wanted person nga agpapada nga adda kasona a robbery iti nakemmeg iti agduduma nga ili iti probinsia.
Immuna a nakemmeg ti Top 2 municipal level a ni John Elmer Sarmiento Valledor, agtawen iti sangapulo ket siam, baro, estudyante nga agnaed idiay Brgy. Camanggaan, San Juan.
Simmaruno a nakemmeg iti Top 4 municipal level a ni Mike Angelo Pagud Raquepo, agtawen iti sangapulo ket walo, baro, estudyante nga agnaed idiay Brg. Immayos Norte, San Juan ken maudi a nakemmeg ti maysa a menor de edad nga agtawen iti sangapulo ket innem, baro, estudyante nga agnaed idiay Brgy. Pandayan, San Juan.
Dagiti nasao a nakemmeg ket babaen iti bileg iti warrant of arrest, Cabugao a napetsaan idi March 15, 2022 a nairekomendaran iti pyansada a P72,000 para iti temporaryo a pannakawaya-wayada.