VIGAN CITY – Tallo a lallaki ti nakemmeg iti naisayangkat nga Anti-Illegal Gambling Operation idiay Brgy. Bayubay Sur, San Vicente, Ilocos Sur.
Nabigbig dagiti suspek a da Romeo Hermosura Ridulfa, agtawen iti innem a pulo ket pito, naasawaan, tricycle driver nga agnaed idiay Brgy. Bayubay Sur, San Vicente; Pedro Almadrigo Briones, agtawen iti innem a pulo ket innem; ken Saturnino Reyes Rilveria, agtawen iti limapulo ket walo, naasawaan, karpentero nga agpada nga agnaed idiay Brgy. Bayubay Sur, San Vicente.
Segun iti San Vicente Police Station, nakaawatda ti tawag ti concerned citizen inaig iti panagsusugal dagiti suspek isu a nagrespondeda ket naaktoan dagiti pannakabagi ti linteg iti panaggaay-ayam ti tong-its dagiti suspek.
Naala kadakuada iti maysa a set iti baraha, maysa a mono block a lamisaan, tallo a mono block a tugaw ken pusta nga aggatad ti limagasut uppat a pulo a pisos.
Iti agdama, addan iti kustodiya dagiti pannakabagi ti linteg dagiti suspek pakairamanan dagiti naala kadakuada.
