VIGAN CITY – Kinablaawan iti Ilocos Sur Provincial Government babaen iti panangidaulo ni Governor Ryan Luis Singson iti pannakabigbig kas 1st Place iti 2022 Robusta Category ni Mabini Ubuan a taga-Sigay bayat iti Philippine Coffee Quality Competition.
Ni Ubuan ket addaan iti iskor a 84.41 a gappuanan iti panangidaulona manipod iti Top 10 a robusta winners ita a tawen.
Saan laeng nga isuna ta nakablaawan pay dagiti kaduana a nakisali nga agpada a taga-Gregorio del Pilar iti karaman iti Top 10 para iti nasao a kompetisyon.
Adda iti maika-innem a pwesto ni Erlinda Dao-Ayan a nakaala iti iskor a 81.53 ken ni Juana Bitongan a top 9 a nakaala iti iskor a 80.56.
Maipalagip a naisayangkat iti Philippine Coffee Quality Competion 2022 Awarding Ceremony idi March 18 iti Waterfront Insular Hotel idiay Davao City.
