Natalgeden ti kasasaad dagiti tallo a karaman iti panagdinnungpar dagiti dua a motorsiklo idiay Barangay Labnig, San Juan, Ilocos Sur,
Ti NMAX motorcycle ket minaneho ti maysa nga agtawen iti uppat a pulo ket tallo a taga-Barangay Solot-solot, backrider-na ti agtawen iti duapulo ket walo a taga-Barangay Asilang.
Ti met nagmaneho iti Yamaha Mio ket agtawen iti duapulo ket uppat, taga-Barangay Maradodon, Cabugao.
Iti pannaki-uman ti Bombo Radyo Vigan ken ni Police Mjor Benjamin Raquedan, agpapa-amianan dagiti dua a lugan ngem idi nakita ti nagmaneho iti NMAX ti Bantay Kalsada nga agtiltiliw ket bigla a nagsikko ta saanna a naitugot ti rehistro ti luganna.
Apagsikkona, saanna met a napakadaan ti motorsiklo a sumarsaruno kenkuana a rason ti panagdinnungpar ken nakadunoranda.
Nakasagana met nga aginnareglo dagiti agsinnumbangir a partido.
