--Ads--
VIGAN CITY – Nagpanawagan ni Samuel Ragasa a taga-Cabaroan Daya, Vigan City a maisubli koman ti mapukpukaw a tallo a kaldingna a nakaiwayway iti kataltalunan.
Iti pannaki-uman ti Bombo Radyo Vigan ken ni Ragasa, adda pay laeng met dagiti kaldingna idi apanna kitaen iti malem ti May 19 ngem idi mapanna koma yakar iti kabigatanna ket awan metten a masarakanna.
Atapen ni Ragasa a natakaw dagiti kalding idi kapigsa ti tudo ta dagitoy ket saanna nga iyaw-awid no di ket ibatbatina laeng iti kataltalunan.
Dagiti kalding a mapukpukaw ket pakairamanan ti maysa a brown a babai nga adda puraw iti buksitna idinto a ti agina ket labang.
-- ADVERTISEMENT --
Pinadasda met ti asawana a biniruk dagiti kalding a mapukpukaw ngem saanda a nasarakan.
