VIGAN CITY – Balligi iti pannakakemmeg ni Junjun Molina iti anti illegal drug buy bust operation idiay Sitio Ubbog, Mabilbila Sur, Santa.
Ti suspek ket graduate iti community based rehabilitation center ken mapapati a drug surrenderee ngem nagsubli iti dati nga aramidna nga agilaklako iti iligal a droga.
Naala ken ti suspek iti pakabuklan a dua a sachet iti iligal a droga, maysa ti nagserbi a buy-bust item ken maysa ti ikot ti suspek, pakairamanan ti lima gasut a pisos a marked money.
Kabayatanna, idiay ili ti Namalpalan, Magsingal, nakemmeg met laeng iti buy-bust operation dagiti dua a drug suspect a da Carlito Doria ken ni Mark Jayson Milanay.
Malaksid iti kaso a panaglabsing ti Republic Act 9165 wennu Comprehensive Dangerous Drugs Act of 2002, sumango pay iti kaso a panaglabsing ti Republic Act 10591 wennu Comprehensive Firearms and Ammunition Regulation Act ni Milanay ta malaksid iti iligal a droga ken marked money a naala kenkuana, nakaala pay dagiti otoridad kenkuana ti dua a bala.
Segun ken ni P/Capt. Mark Lagman, hepe ti Magsingal municipal police station dati a drug surrenderer idiay Bicol ngem naggapu idiay Sta. Rosa, Laguna ti suspek a ni Milanay ken temporaryo nga agnanaed idiay San Clemente isu’t gapu na a makikinnammayet da idiay Sta. Rosa Police Station tapno maamuan no adda pay dagiti sabali a kaso a nakainaigan na.
Adda pay kadua dagiti suspek a menor de edad nga agtawen ti sangapulo ket innem a naipaima ti Municipal Social Welfare and Development Office (MSWDO)
