VIGAN CITY – Nadunor dagiti tallo a drayber ti motorsiklo iti napasamak nga aksidente idiay Barangay Quezon, Cabugao.
Ti Yamaha Mio I ket minaneho ni Joshua Cabansag Seguirre, agtawen iti sangapulo ket siam, agnaed iti Quezon, Cabugao.
Ti pay maysa a Mio I ket minaneho ni Rowie Sablay Seguritan, agtawen iti tallopulo ket uppat, taga-Barangay Catucdaan, Cabugao.
Ti met Motoposh Pinoy motorcycle ket minaneho ni Francis Quiday Dagdag, agtawen iti uppat a pulo ket dua, taga-Barangay Catucdaan, Cabugao.
Agpapalaud ti Mio a minaneho ni Seguritan ken ti Motoposh Pinoy motorcycle ket idi magtengda ti nakapasamakan ti insidente, tinukbob ti Motoposh ti Mio a minaneho ni Seguritan.
Naidarusdos iti kalsada ti Mio a minaneho ni Seguritan ket nadungparna ti Yamaha Mio a minaneho ni Seguirre a nakaparking idi iti igid ti kalsada.
