VIGAN CITY – Nakaawat dagiti tallo a district hospital ti probinsia pakairamanan ti ISDH-Magsingal, ISDH-Cervantes, ISDH-Sinait iti ambulansya manipud iti Philippine Charity Sweepstakes Office idi kalman idiay Provincial Farmers Livelihood Development Center.
Dagiti ambulansya ket mausar tapno maited ti nadadaras a serbisyo a mangipan kadagiti pasyente iti Rural Health Units wenno dagiti ospital.
Impasigurado ni Governor Jerry Singson kadagiti health worker iti probinsia ti natibker a sistema iti panangipaay ti masapul ti Ilocos Sur Provincial Hospital-Gabriela Silang ken dagiti walo a District Hospital tapno maipaay ti dekalidad a serbisyo-salun-at para kadagiti umili.
Adda met a siiimatang dagiti provincial official kas da Vice Governor Ryan Singson ken Sangguniang Panlalawigan Members bauat ti turn over ken blessing dagiti tallo nga ambulansya.
