--Ads--
Tallo a Chinese nationals ti nakemmeg nga addaan iti 12 gold bars ken $800,000 a kuarta idiay eastern Democratic Republic of Congo.
Nailemmeng ti balitok ken kuarta iti sirok dagiti tugaw ti lugan a naglugananda, segun ken ni Jean Jacques Purusi, gobernador ti probinsia ti South Kivu.
Innayonna pay a nalimed ti operasion a mangkemmeg kadagiti Chinese Nationals kalpasan ti nabiit pay a pannakawayawaya ti sabali pay a grupo dagiti Chinese nationals a naakusaran nga agop-operate iti illegal gold mine iti nasao a lugar.
Ti Eastern DR Congo ket addaan iti adu a reserba ti balitok, diamante ken dagiti mineral a maus-usar a mangaramid kadagiti bateria para kadagiti mobile phone ken electric vehicles.
-- ADVERTISEMENT --
