VIGAN CITY – Umaboten iti 309 ti Covid19 cases ditoy probinsia ta adda nainayon a tallo iti nagpatnag.
Ni ISC307 ket agtawen iti pitopulo ket dua a lalaki a taga-Talogtog, Candon City, maysa nga animal breeder.
Asymptomatic, awan ti travel history-na, nai-expose ken ni ISC301 ken extensive ti contacts-na.
Ni ISC308 ket agtawen iti tallopulo a lalaki a taga-Pampanga ngem naidestino iti Mindoro, Vigan City ta isuna ket maysa a uniformed personnel.
Asymptomatic, adda travel history-na idiay Pampanga, nai-expose kadagiti lugar a narisgo iti Covid ken limitado ti contacts -na.
Kabayatanna, ni ISC309 ket agtawen iti uppat a pulo a lalaki a taga Pampanga, maysa met laeng a uniformed personnel a naidestino iti Mindoro, Vigan City.
Asymptomatic, adda travel history na idiay Pampanga, nai-expose kadagiti high risk area ken limitado ti contacts-na.
Manipud February 4 agingga February 18 ket maidalan iti EECQ dagiti critical zone, MECQ dagiti containment zone ken GCQ ti buffer zone.
