Tallo a barangay iti ili ti Sto. Domingo ti napili a pakaisayangkatan ti pilot implementation iti feeding program para kadagiti ubbing nga agad-adal.
Dagiti lugar ket pakairamanan ti Barangay Lao-ingen, Barangay Lussoc, ken Barangay Borobor.
Iti pannaki-uman ti Bombo Radyo Vigan ken ni Provincial Board Member Christopher “Topeng” Baterina nga akin-inisyatiba ti programa, narugian ti feeding program idi nangrugi ti klase dagiti ubbing idi July 29 ken namnamaenda nga agtultuloy
Bigbigenna ti kinapateg ti programa tapno agbalin a produktibo ket saan nga agkakapsut dagiti agad-adal iti inda panagklase no makakaanda iti pammigat.
Innayon ni Baterina nga idiay Barangay Lao-ingen, sangapulo ket lima manipud kadagiti sangapulo ket pito nga agad-adal ti saan a mangmangan iti pammigat.
