VIGAN CITY – Tallo a babbai iti nakemmeg gapu iti panagsusugalda iti natayan idiay Brgy. Manzante, Magsingal.
Iti pannaki-uman ti Bombo Radyo Vigan ken ni PCpl. Emmanuel Reolalas iti Magsingal Municipal Police Station, naipakaammo kadakuada iti panagsusugal idi rabii dagiti babbai iti sangawanan ti maysa a pagtaengan bayat ti panagbantayda iti natayan isu a nagrespondeda.
Dagiti nakemmeg ket nabigbig a da Jovy Salvador Estoque, agtawen iti limapulo ket lima, naasawaan, sales lady; Yolanda Ramirez Arellano, agtawen iti limapulo ket tallo, naasawaan, awanan trabaho; ken Elizabeth Ullero Butas, agtawen iti uppat a pulo ket lima, negosyante nga agpapada nga agnaed idiay Brgy. Manzante, Magsingal.
Segun ken ni Reolalas, inkalintegan dagiti suspek a pagliwliwaanda laeng ti nagay-ayam ti tong-its ngem adda iti nainaig a kuarta isu a maikaniwas ti linteg iti inaramidda.
Naala kadakuada iti pusta nga aggatad ti P489 ken maysa a set iti baraha.
Naipan iti Magsingal district Hospital dagiti suspek para iti physical ken medical examination ngem naiyakar met laeng nga insigida iti Magsingal Police Station pakairamanan dagiti ebidensya a naala kadakuada.
VOICE OF PCPL. EMMANUEL REOLALAS – ILLEGAL GAMBLING
