Naipilaanen iti kaso dagiti tallo a babbai a natiliwan a nagsusugal idiay Barangay Margaay, Cabugao, Ilocos Sur babaen iti naiwayat nga anti-illegal gambling operation.
Dagiti suspek ket da Chinita Liberato, agtawen iti limapulo ket innem, negosyante a taga-Brgy. Daclapan, Cabugao; Michelle Serra, agtawen iti uppat a pulo ket tallo, housewife, a taga Brgy. Pug-os Cabugao ken ni Rhoda Cortez, agtawen iti tallopulo ket siam, naasawaan a taga Brgy. Margaay.
Naaktuan dagiti suspek nga agaayam iti tong-its ket naala kadakuada ti maysa a set ti baraha, ken pusta nga aggatad ti PHP3,850.
Iti pannaki-uman ti Bombo Radyo Vigan ken ni PMaj. Juan Jhay-r Maggay, damo a matiliw dagiti suspek ken ti panangisayangkatda iti operasyon ket gapu iti maidandanon kadakuada a report nga inaldaw ti sugal a mapaspasamak iti nasao a lugar.
Ikot pay laeng ti Cabugao Police Station dagiti suspek ta mayur-uray ti panagpyansada.
