--Ads--
VIGAN CITY – Tallo a babbai ti nakemmeg iti naiwayat nga anti-illegal gambling operation idiay Brgy. Apatot, San Esteban, Ilocos Sur.
Nabigbig dagiti suspek a da Marcelina Ayson, agtawen ti innem a pulo, Nieves Europa, agtawen ti pitopulo ket siam, ken ni Joy Eligio, agtawen ti limapulo ket innem nga agpapada nga agnaed ti nasao a lugar.
Segun ti San Esteban Police Station, nagsusugal dagiti suspek iti pagtaengan ni Ayson babaen ti inay-ayamda a tong-its ket ti naisayangkat nga operasyon, naala kadakuada ti maysa a set iti baraha ken pusta nga aggatad ti sangagasut ket tallo a pisos.
Addan ti kustodiya dagiti pannakabagi ti linteg dagiti suspek para iti proper disposition.
-- ADVERTISEMENT --
