VIGAN CITY – Tallo a babbai a nagsusugal iti nakemmeg idiay Barangay San Pablo, Narvacan.
Segun ti Narvacan Municipal Police Station, dagiti suspek ket da Nelia Pudol Cabral, agtawen ti limapulo ket walo, mannalon; Rose Marie Paringit Cabral, agtawen ti tallopulo ket tallo, awanan trabaho; ken Germinia Abacco Casica, agtawen ti innem a pulo ket innem nga agpapada nga agnaed iti nasao a lugar.
Insayangkat dagiti pannakabagi ti linteg iti anti-illegal gambling operation iti nasao a barangay a gappuanan ti pannakakemmeg dagiti suspek kalpasan a naaktoanda a nagay-ayam iti tong-its nga adda pustana.
Naala kadakuada iti maysa a set iti baraha, dua a monoblock a tugaw, maysa a mono block a lamisaan, ken pusta nga aggatad iti P219.
Dagiti nasao suspek ket addan iti kustodiya iti Narvacan Police Station karaman dagiti naala kadakuada para iti proper disposition.
