--Ads--
VIGAN CITY – Impaganetget ni Taiwan President Lai Ching-te nga awan ti karbengan iti China a dusaen dagiti umilida gapu laeng ti adbokasiyada kalpasan a nagballaag iti China kadagiti sumupsuportar para ti waya-waya iti isla a sumangsango ti pannusa a pammapatay.
Maipalagip nga idi Biernes ket inruar iti China ti baro a judicial guidelines a nakairamanan ti death penalty kadagiti seryoso a kaso a nainaig ti diehard supporters ti independence iti Taiwan.
Ngem kinuna ni President Lai nga awan ti karbengan iti China nga i-pursue ti cross-border prosecution dagiti umili iti Taiwan.
Impaganetgetna a saan a demokrasya ti nagtaudan ti krimen nu diketdi awtokrasya.
-- ADVERTISEMENT --
