Manarimaanen ti panangipila ti Tagudin Police Station iti kaso a kriminal kontra iti maysa a lalaki a nangdangran iti katuganganna a babai a person with disability.
Naalaan iti video ti panangdangran ti suspek iti katuganganna babaen iti anak ti biktima a daytoy ket nag-viral iti social media.
Iti pannaki-uman ti Bombo Radyo Vigan ken ni Police Major Kleyvan Paycao Dalang, nakaruaren iti ospital ti biktima ken impaayan isuna ti kapulisan kadagiti kangrunaan a masapulna kas ti agas.
Rumrummuar iti imbestigasion a sakbay ti pasamak ket nagriri ti suspek ken ti asawana, ken madakdakamat a saan nga agkatunusan ti suspek ken ti katunganganna uray idi saan pay a na-stroke ti biktima.
Immunan a nayendorso iti barangay ti pasamak ken pinadas dagiti pannakabagi ti linteg a makemmeg ti suspek ngem saanda a nagballigi.
