Nagpanawagan ni Cardinal Luis Antonio Tagle kadagiti nagannak ken lolo ken lola a papigsaen ti pannakikammayetda kadagiti ubbing ken saan a bay-an nga agbalin a kangrunaan nga impluwensia kadakuada ti cellphone, video games ken artificial intelligence (AI).
Kasaruno dayta ti pammaltog iti Ateneo de Zamboanga University a nakatayan dagiti dua nga estudiante.
Impaganetget ni Tagle a napateg ti presensia, pannakipatang, ken panangisakit ti pamilia iti panangmuli kadagiti agtutubo.
Malaksid dayta, kinunana a saan a direkta a pabasulen ti AI wenno video games iti insidente, ta nasaysayaat no pokusan ti human connection ken pannarabay ti pamilia.
Inallukoyna ti publiko a sakbay nga agsarita wenno agtignay, panunoten pay nga umuna no ania a klase ti puso ken motibo ti mangidurduron kadakuada kadagiti desisionda.
